«Սիրել կրկին»-ը զույգերի համար նախատեսված ժամանցային խաղ է, որը կօգնի զվարճանալ, թեժացնել կրքերը, լիցքաթափվել և նորովի բացահայտել միմյանց։ Պատասխանեք անկեղծ հարցերին, կատարեք համարձակ առաջադրանքներ, հավաքեք միավորներ և պարզեք՝ ով է հաղթելու։ Իսկ պարտվողի համար խաղի վերջում սպասվում է հատուկ «պատիժ»՝ պատահականության սկզբունքով ընտրված ժամադրություններից մեկը, որը նա պետք է իրականություն դարձնի։
Ինչպես ասում էր Սևակը՝ սիրել կրկին։
ԻՆՉՊԵՍ ԽԱՂԱԼ / ԿԱՆՈՆՆԵՐ Նախապատրաստե՛ք թուղթ և գրիչ` խաղի հաշիվը պահելու և «Մեր մասին» հարցերի պատասխանները գրելու համար։
«Չին գա չունգ» արե՛ք, պարտվողը կսկսի խաղը :)
Պտուտակը պտտե՛ք, վերցրե՛ք համապատասխան քարտը և փորձե՛ք հնարավորինս անկեղծ ու իրատեսական պատասխաններ տալ հարցերին՝ բացելով ձեր սիրտը, կամ հնարավորինս համարձակ կատարել առաջադրանքը։
Խաղի տևողությունը կարող եք որոշել նախապես՝ ըստ միավորների, ժամանակի կամ քարտերի քանակի։ Օրինակ՝ խաղում եք մինչև 20 միավոր կամ 30 րոպե, կամ մինչև քարտերը վերջանան։
Քարտերը միմյանցից տարբերվում են գույնով, առաջադրանքով և միավորներով։ Այսպես՝ Կարմիր քարտեր «Բացի՛ր սիրտդ»՝ 1 միավոր։ Անհրաժեշտ է հնարավորինս անկեղծ պատասխանել հարցերին։
Անհրաժեշտ է թղթի վրա զուգահեռ գրել միևնույն հարցի պատասխանը և միաժամանակ բացել. եթե համընկնի, երկու մասնակիցն էլ կստանան 2 միավոր։
Անհրաժեշտ է իրականացնել համապատասխան գործողությունը. եթե զուգընկերն ընդունի, որ ստացվել է, մասնակիցը կստանա 3 միավոր։
Խաղի վերջում շատ միավորներ հավաքած զուգընկերը առանց նայելու ընտրում է «Ժամադրություն» քարտերից մեկը և տալիս պարտվողին։
Համատեղ որոշմամբ կարող եք նաև խաղի սկզբում առանց նայելու վերցնել և կողքի դնել «Ժամադրություն» քարտը։ Կբացեք այն խաղի վերջում, երբ արդեն պարզ կլինի՝ ով է կազմակերպելու ձեր ռոմանտիկ ու անսպասելու ժամադրությունը։ Փոխադարձ համաձայնությամբ հաղթողը կարող է նաև ցանկից դուրս իր նախընտրելի ժամադրությունն առաջարկել: Հավասար միավորներ հավաքելու դեպքում ժամադրությունը կազմակերպում եք միասին։
Շարունակությունն արդեն ՁԵՐ անելիքն է :)
Մանրամասներ՝
_800x800.webp)
.webp)
